როგორ შევარჩიოთ ხელსაწყოების ნაკრები

ყოველი ადამიანი ადრე თუ გვიან დგება ხელსაწყოების ნაკრების შეძენის საჭიროების წინაშე. ჩვენს გარშემო არსებული ნივთები დროთა განმავლობაში ზიანდება და ფუჭდება - ასეთი სიტუაციებისთვის წინასწარ მომზადებას კი შეუძლია სტრესული მომენტი საინტერესო გამოწვევად აქციოს. მიუხედავად იმისა, ხართ თუ არა პროფესიონალი ხელოსანი, საბაზისო ინსტრუმენტების ქონა აუცილებელია ნებისმიერი საოჯახო საქმიანობისთვის. სწორად შერჩეული ხელსაწყოების ნაკრები არა მხოლოდ დროსა და ფულს დაგიზოგავთ, არამედ ის უსაფრთხოებისა და ხარისხიანი სამუშაოს გარანტიაცაა.

თუმცა, დღევანდელ ბაზარზე არსებული მრავალფეროვანი არჩევანის გამო, ხელსაწყოების ნაკრების შეძენა არც ისე მარტივი საქმეა. როგორ განვსაზღვროთ წინასწარ, რომელი ხელსაწყო დაგვჭირდება? როგორ შევარჩიოთ ისეთი ინსტრუმენტები, რომლებიც გამოყენებისას არ გაფუჭდება და თავის ფუნქციას სრულყოფილად შეასრულებს? ამ ბლოგში სწორედ ამ კითხვებზე გაგცემთ პასუხს და დაგეხმარებით, სწორად შეარჩიოთ ხელსაწყოების ნაკრები თქვენი საჭიროებების მიხედვით.

რა ტიპის ხელსაწყოების ნაკრები არსებობს?

ხელსაწყოების შერჩევისას პირველი, რაც უნდა განვსაზღვროთ, არის ჩვენი საჭიროებები და ის, თუ რა ტიპის სამუშაოების შესრულებას ვგეგმავთ. ბაზარზე არსებული ნაკრებები განსხვავდება როგორც დანიშნულებით, ისე ხარისხითა და ფასით. ზოგი მათგანი შექმნილია ყოველდღიური, მარტივი საოჯახო საქმიანობისთვის, ზოგი კი - პროფესიონალური გამოყენებისთვის. სწორი არჩევანის გასაკეთებლად მნიშვნელოვანია ვიცოდეთ თითოეული ტიპის ნაკრების თავისებურებები და შესაძლებლობები.

ხელსაწყოების ნაკრებები შემდეგ ტიპებად იყოფა:

საბაზისო საოჯახო ნაკრები

საბაზისო საოჯახო ნაკრები აუცილებელი ატრიბუტია ნებისმიერი საოჯახო საქმიანობისთვის. ეს არის კომპაქტური, მარტივად შესანახი ნაკრები, რომელიც საშუალებას გაძლევთ, დამოუკიდებლად გაართვათ თავი ყოველდღიურ წვრილმან საქმეებს - იქნება ეს სურათის გაკვრა, მსუბუქად დაზიანებული ავეჯის შეკეთება თუ ელექტრული როზეტის თავსახურის გამოცვლა.

ძირითადად საბაზისო ნაკრებში შემდეგი ხელსაწყოები:

• ხარისხიანი ჩაქუჩი
• სხვადასხვა ზომის სახრახნისები (როგორც ჯვარედინი, ისე ბრტყელი)
• პასატი
• საზომი ლენტი
• უნივერსალური დანა
• პატარა ხერხი

მნიშვნელოვანია, რომ ეს ინსტრუმენტები იყოს მსუბუქი და სამუშაოდ მოსახერხებელი, რადგან მათი გამოყენება ხშირად მოგიწევთ სახლის სხვადასხვა კუთხეში. კარგი იქნება, თუ ნაკრებს ექნება სპეციალური ხელსაწყოების ჩანთა ან ყუთი, სადაც ყველა ხელსაწყო თავის ადგილზე იქნება განთავსებული.

DIY ენთუზიასტების ნაკრები

DIY ენთუზიასტების ნაკრები გაცილებით უფრო მრავალფეროვანია და კომპლექსური. ეს ნაკრები განკუთვნილია მათთვის, ვისაც უყვარს სახლის მოწყობა, ავეჯის აწყობა ან სხვადასხვა შემოქმედებითი პროექტების განხორციელება. ასეთი ნაკრები საშუალებას გაძლევთ, შეასრულოთ უფრო რთული სამუშაოები, როგორიცაა კედლების შეღებვა, ლამინატის დაგება ან თაროების დამზადება.

DIY ნაკრებში, საბაზისო ხელსაწყოების გარდა, აუცილებლად უნდა შედიოდეს დრელი სხვადასხვა ბუნიკით, კუთხსაზომი, სხვადასხვა ტიპის ქანჩის გასაღებები, შლიფის აპარატი და უფრო მძლავრი ხერხები. ასევე მნიშვნელოვანია სხვადასხვა ტიპის მომჭერები, წებოები და საიზოლაციო მასალები, ან თუნდაც პულივიზატორი. ეს ნაკრები უნდა მოიცავდეს უსაფრთხოების აღჭურვილობასაც - ხელთათმანებს, სათვალეს და რესპირატორს.

სპეციალიზებული ნაკრები 

სპეციალიზებული ნაკრები წარმოადგენს კონკრეტული სფეროსთვის შექმნილ ინსტრუმენტების კოლექციას. მაგალითად, სანტექნიკოსის ნაკრები მოიცავს სპეციალურ ქანჩის გასაღებებს, მილების საჭრელ და შესაერთებელ ინსტრუმენტებს. ელექტრიკოსის ნაკრებში კი შედის სადენების გამტარები, იზოლაციის მოსახსნელი ინსტრუმენტები და სპეციალური ტესტერები.

თითოეული სპეციალიზებული ნაკრები შექმნილია იმ უნიკალური გამოწვევების გათვალისწინებით, რომლებიც კონკრეტულ სფეროში გვხვდება. მაგალითად, ავტომექანიკოსის ნაკრებში შედის სპეციალური ზომის ქანჩის გასაღებები, დიაგნოსტიკის ხელსაწყოები და ძრავის შესაკეთებელი სპეციფიური ინსტრუმენტები. ხის დამუშავების ნაკრები კი მოიცავს სხვადასხვა ტიპის სახერხ დანადგარებს, სახვრეტებს და ზედაპირის დასამუშავებელ ინსტრუმენტებს.

პროფესიონალური ნაკრები 

პროფესიონალური ნაკრები წარმოადგენს ყველაზე სრულყოფილ და მრავალფეროვან კოლექციას, რომელიც შექმნილია ყოველდღიური, ინტენსიური გამოყენებისთვის. ეს ნაკრები განკუთვნილია პროფესიონალი ხელოსნებისთვის, რომლებიც რეგულარულად მუშაობენ სხვადასხვა ტიპის პროექტებზე და სჭირდებათ მაღალი ხარისხის, გამძლე ინსტრუმენტები.

პროფესიონალურ ნაკრებში შედის როგორც ხელის ინსტრუმენტები, ისე მძლავრი ელექტრო ხელსაწყოები. აქ იგულისხმება მაღალი ხარისხის დრელები, პერფორატორები, კუთხსახეხები (იგივე “ბარგალკა”), ელექტრო ხერხები და სხვა სპეციალიზებული დანადგარები. ასევე მნიშვნელოვანია პროფესიონალური დონის საზომი ხელსაწყოები, სპეციალური ქანჩის გასაღებები და დამხმარე ინსტრუმენტები. ამ ნაკრების შემადგენელი ყველა ხელსაწყო გათვლილია ხანგრძლივ ექსპლუატაციაზე და ხშირად მოდის საგარანტიო პირობებით.

უკეთესად წარმოსადგენად განვიხილოთ რამდენიმე ხელსაწყოების ნაკრები, კერძოდ კი EP-60510, CF-IDK001 და Schpindel Shpind-121121.

ქანჩის გასახსნელი ნაკრები EP-60510 არის მრავალფუნქციური ხელსაწყოების კომპლექტი, რომელიც განკუთვნილია როგორც საყოფაცხოვრებო, ასევე პროფესიონალური გამოყენებისთვის. ნაკრები მოიცავს სხვადასხვა ტიპის ხრახნებს მრავალი განსხვავებული თავით, ქლიბს, მკერდს, ჩაქუჩს და სხვა საჭირო ხელსაწყოებს. ყველა ხელსაწყოს აქვს ერგონომიული სახელურები, რაც უზრუნველყოფს სტაბილურ და უსაფრთხო დაჭერას.

COOFIX-ის 114-ნაწილიანი ხელსაწყოების ნაკრები CF-IDK001 მრავალფუნქციური კომპლექტია, რომელიც განკუთვნილია როგორც საყოფაცხოვრებო, ასევე პროფესიონალური გამოყენებისთვის. ეს ნაკრები მოიცავს 650 ვატიან დარტყმით ხრახნმჭერს და დამატებით 113 სხვადასხვა ხელსაწყოსა და აქსესუარს, რაც მომხმარებელს საშუალებას აძლევს შეასრულოს სხვადასხვა ტიპის სამუშაოები.

ნაკრებში შედის:

• დარტყმითი ხრახნმჭერი
• საზომი ლენტი (რულეტკა) – 1 ცალი
• ხრახნმჭერის თავაკები – 22 ცალი
• სამაგრები (ჩოპიკები) – 60 ცალი
• იზოლაციის ლენტი – 1 ცალი
• ქანჩის თავაკები – 10 ცალი
• ქანჩის თავაკების გადამყვანი – 1 ცალი
• თარაზო – 1 ცალი
• სახრახნისი (ატვიორკა) – 1 ცალი
• საკანცელარიო დანა – 1 ცალი
• რეგულირებადი ქანჩის გასაღები – 1 ცალი
• ჩაქუჩი – 1 ცალი
• ბრტყელტუჩა (პლოსკო) – 1 ცალი
• ქვის საბურღი თავაკები – 3 ცალი
• მეტალის საბურღი თავაკები – 3 ცალი

ეს კომპლექტი იდეალურია სხვადასხვა სახის სარემონტო და სამონტაჟო სამუშაოებისთვის, რაც მას შეუცვლელს ხდის როგორც სახლის სამუშაოებისთვის, ასევე პროფესიონალური მოხმარებისთვის.

და ბოლოს, Schpindel Shpind-121121 არის 121-ნაწილიანი ხელსაწყოების ნაკრები, რომელიც განკუთვნილია როგორც პროფესიონალური, ასევე საყოფაცხოვრებო გამოყენებისთვის.

ეს კომპლექტი მოიცავს სხვადასხვა ზომისა და ტიპის ხელსაწყოებს, რაც მას მრავალფუნქციურს ხდის და საშუალებას აძლევს მომხმარებელს შეასრულოს სხვადასხვა სარემონტო და სამონტაჟო სამუშაოები.

როგორ შევაფასოთ ხელსაწყოების ნაკრების ხარისხი?

ხელსაწყოების შეძენისას ხარისხი ერთ-ერთი უმნიშვნელოვანესი ფაქტორია, რომელიც პირდაპირ აისახება როგორც სამუშაოს შესრულების ხარისხზე, ასევე თქვენს უსაფრთხოებაზე. ხშირად მომხმარებლები ცდილობენ დაზოგონ თანხა და ყიდულობენ იაფფასიან ინსტრუმენტებს, თუმცა გრძელვადიან პერსპექტივაში ეს გადაწყვეტილება შეიძლება საკმაოდ ძვირი დაგვიჯდეს. როგორ უნდა შევაფასოთ ხელსაწყოების ხარისხი შეძენამდე?

პირველ რიგში, ყურადღება მიაქციეთ მასალის ხარისხს. მაღალი ხარისხის ფოლადისგან დამზადებული ინსტრუმენტები არა მხოლოდ უფრო გამძლეა, არამედ უსაფრთხოც. ინტენსიური გამოყენებისის დროსაც კი მათი გატეხვისა და დეფორმაციის შანსი დაბალია. 

კარგი ხარისხის ხელსაწყო გამოირჩევა თანაბარი ზედაპირით, დახვეწილი შენადუღებით და ზუსტი დამუშავებით. განსაკუთრებით მნიშვნელოვანია ეს მახასიათებლები ისეთი ინსტრუმენტებისთვის, როგორებიცაა ქანჩის გასაღებები და სახრახნისები, რომლებიც მუდმივად მაღალი დატვირთვის ქვეშ მუშაობენ.

ერგონომიულობა კიდევ ერთი მნიშვნელოვანი ფაქტორია, რომელიც ხშირად უგულებელყოფილია შეძენისას. ხელსაწყო შეიძლება დამზადებული იყოს საუკეთესო მასალისგან, მაგრამ თუ ის მოუხერხებელია სამუშაოდ, მისი ეფექტურობა მნიშვნელოვნად მცირდება. 

კარგად დამზადებული ინსტრუმენტი გამოირჩევა კომფორტული სახელურით, რომელიც არ სრიალებს და ხელს არ ღლის ხანგრძლივი მუშაობისას. ასევე მნიშვნელოვანია ხელსაწყოს წონაც - ზედმეტად მძიმე ინსტრუმენტი სწრაფად გადაგღლით, მაშინ როცა ზედმეტად მსუბუქი შეიძლება არასაკმარისად ეფექტური აღმოჩნდეს.

ბრენდის რეპუტაცია ასევე მნიშვნელოვანი მაჩვენებელია. ცნობილი მწარმოებლები წლების განმავლობაში ქმნიან თავიანთ რეპუტაციას და, როგორც წესი, უზრუნველყოფენ პროდუქციის მაღალ ხარისხს. თუმცა, ეს არ ნიშნავს, რომ ნაკლებად ცნობილი ბრენდები აუცილებლად დაბალი ხარისხის პროდუქციას აწარმოებენ. მნიშვნელოვანია გაეცნოთ მომხმარებელთა გამოხმაურებებს, პროდუქტის საგარანტიო პირობებს და, თუ შესაძლებელია, პირადად გამოსცადოთ ხელსაწყო შეძენამდე.

როგორ შევინახოთ და მოვუაროთ ხელსაწყოების ნაკრებს?

ხელსაწყოების ხანგრძლივი და ეფექტური ექსპლუატაციისთვის აუცილებელია მათი სწორად შენახვა და რეგულარული მოვლა. ბევრს ჰგონია, რომ ხარისხიანი ინსტრუმენტები არ საჭიროებენ განსაკუთრებულ ყურადღებას, თუმცა ეს მცდარი შეხედულებაა. სწორი მოვლის გარეშე ყველაზე ძვირადღირებული ხელსაწყოც კი მალე კარგავს თავის მახასიათებლებს და შეიძლება სახიფათოც კი გახდეს გამოყენებისას.

სწორი შენახვა იწყება შესაბამისი გარემოს შექმნით. ხელსაწყოები უნდა ინახებოდეს მშრალ, კარგად ვენტილირებად სივრცეში, სადაც ტემპერატურა და ტენიანობა მეტ-ნაკლებად სტაბილურია. განსაკუთრებით მნიშვნელოვანია დავიცვათ ისინი ტენისგან, რადგან ჟანგი არა მხოლოდ გარეგნულ იერს უფუჭებს ინსტრუმენტებს, არამედ მნიშვნელოვნად ამცირებს მათ გამძლეობას და საიმედოობას.

იდეალურ შემთხვევაში, თითოეულ ხელსაწყოს უნდა ჰქონდეს თავისი განსაზღვრული ადგილი. ეს შეიძლება იყოს სპეციალური ყუთი, კედელზე დამონტაჟებული დაფა ან უჯრებიანი კარადა. ორგანიზებული შენახვა არა მხოლოდ იცავს ინსტრუმენტებს დაზიანებისგან, არამედ გვეხმარება სწრაფად ვიპოვოთ საჭირო ხელსაწყო და თავიდან ავიცილოთ ზედმეტი დროის დაკარგვა.

ყოველი გამოყენების შემდეგ მნიშვნელოვანია ხელსაწყოების გაწმენდა. განსაკუთრებით ეს ეხება ისეთ ინსტრუმენტებს, რომლებიც უშუალო კონტაქტში არიან მტვერთან, ნახერხთან ან სხვა აბრაზიულ მასალებთან. გაწმენდისას შეგვიძლია გამოვიყენოთ რბილი ჯაგრისი და, საჭიროების შემთხვევაში, სპეციალური გამწმენდი საშუალებები. ელექტრული ხელსაწყოების შემთხვევაში განსაკუთრებული ყურადღება უნდა მივაქციოთ სავენტილაციო ხვრელების სისუფთავეს.

რეგულარულად უნდა ვამოწმოთ ხელსაწყოების მდგომარეობა დაზიანებების აღმოსაჩენად. ნებისმიერი ბზარი, გაღუნვა ან დეფორმაცია შეიძლება პოტენციური საფრთხის მაჩვენებელი იყოს. დაზიანებული ინსტრუმენტის გამოყენება არა მხოლოდ არაეფექტურია, არამედ სახიფათოც - განსაკუთრებით ეს ეხება ელექტრულ ხელსაწყოებს და ისეთ ინსტრუმენტებს, რომლებიც მაღალი დატვირთვით მუშაობენ.

მოძრავი ნაწილების მქონე ხელსაწყოები საჭიროებენ პერიოდულ დაზეთვას. ეს ეხება როგორც მექანიკურ (მაგალითად, პასატებს და მაკრატლებს), ასევე ელექტრულ ინსტრუმენტებს. დაზეთვისთვის უნდა გამოვიყენოთ მწარმოებლის მიერ რეკომენდებული ზეთი და მკაცრად დავიცვათ მითითებები მისი გამოყენების შესახებ.

უსაფრთხოების თვალსაზრისით, მნიშვნელოვანია ხელსაწყოები შევინახოთ ბავშვებისთვის მიუწვდომელ ადგილას. ელექტრული ინსტრუმენტები ყოველთვის უნდა იყოს გამორთული და გამოერთებული დენის წყაროდან, როდესაც არ ვიყენებთ მათ. ბასრი ხელსაწყოები უნდა შევინახოთ სპეციალურ ბუდეებში ან დამცავ გარსაკრავებში.

სწორი მოვლისა და შენახვის წყალობით, ხარისხიანი ხელსაწყოების ნაკრები შეიძლება წლების განმავლობაში გვემსახუროს ისე, რომ არ დაკარგოს თავისი მახასიათებლები. ეს არა მხოლოდ დაგვიზოგავს ფულს ახალი ინსტრუმენტების შეძენაზე, არამედ უზრუნველყოფს ჩვენს უსაფრთხოებას და სამუშაოს მაღალ ხარისხს.